به‌پێی هه‌واڵی کوردپرێس، كاروان یاروه‌یس لێپرسراوی ڕاگه‌یاندنی مه‌كته‌بی سیاسی (ی.ن.ك) ڕای‌گه‌یاندوووه‌ سبه‌ینێ وه‌فدێكی باڵای یه‌كێتیی نیشتیمانیی كوردستان به‌ سه‌رۆكایه‌تیی مه‌لا به‌ختیار به‌رپرسی ده‌سته‌ی كارگێر و به ‌ئه‌ندامێتی رزگار عه‌لی، خالید شوانی، فریاد ره‌واندزی و سه‌عدوون فه‌یلی ده‌گه‌نه‌ به‌غدا.

ناوبراو ڕاشی‌گه‌یاند: به‌رنامه‌ی دیدار و كۆبوونه‌وه‌كانی وه‌فدی باڵای یه‌كێتی له‌گه‌ڵ حزب و لایه‌نه‌ سیاسییه‌كانی عێراق به‌ تایبه‌تی لیسته‌ براوه‌كان ده‌ست پێ ده‌كات.

كاروان یاروه‌یس وتیشی: برِیاره‌ سه‌ردانه‌كه‌ دوو رۆژ بخایه‌نێت و دیدار و كۆبوونه‌وه‌كانیش له‌باره‌ی ده‌ره‌نجامه‌كانی ھه‌ڵبژاردن و گفتوگۆكان بۆ پێكھێنانی كابینه‌ی نوێی حكوومه‌تی عێراق ده‌ست پێ بكات.

سه‌رچاوه‌: PUK media

کۆدی هه‌واڵنێر: 60103