بەپێی هەواڵی کوردپرێس، له زنجیره توویتێكدا له هه‌ژماری تایبه‌تی خۆی له تۆڕی تویته‌ر، باڵیۆزخانه‌ی ئه‌مریكا له به‌غدا رایگه‌یاند: ویلایه‌ته یه‌كگرتووه‌كان و عێراق ده‌ست به دانوستانه ستراتیژییه‌كانیان ده‌كه‌نەوە.
هه‌روه‌ها گوتی: گفتوگۆكان له‌میانه‌ی ڤیدیۆكۆنفرانسه‌وه له‌ڕێگه‌ی ئینته‌رنێته‌وه به‌گوێره‌ی رێككه‌وتنی چوارچێوه‌ی ستراتیژیی ساڵی 2008 له نێوان هه‌ردوو وڵات به‌ڕێوه‌ده‌چن و رۆژی 7ی مانگی داهاتوو/ نیسانی 2021 یه‌كه‌م رۆژی ده‌ستپێكردنی گفتوگۆ ستراتیژییه‌كان ده‌بێت.
باڵیۆزخانه‌ی ئه‌مریكا له به‌غدا ئاشكراشی كرد، له كۆنفرانسه‌كه‌دا گفتوگۆی چڕ و پڕ له‌باره‌ی پرسه‌كانی ئاسایش، رووبه‌ڕووبوونه‌وه‌ی تیرۆر، ئابووری و وزه، پرسه سیاسییه‌كان و هاوكاری په‌روه‌رده‌یی و رۆشنبیری ئه‌نجام ده‌درێن.
کۆدی هەواڵنێر: 60113
Your Comment