به‌پێی هه‌واڵی کوردپرێس، سوومهرنیووز له زاری سه‌رچاوه تایبه‌ته‌کانییه‌وه ڕاپۆرتی دا که موقته‌دا سه‌در ڕێبه‌ری ڕه‌وتی سه‌در که له هه‌ڵبژاردنی په‌رله‌مانی عێراق سه‌رکه‌وتنێکی به‌رچاوی وه‌ده‌ست هێناوه، جه‌عفه‌ر سه‌در ئامۆزاکه‌ی بۆ پۆستی سه‌رۆک وه‌زیرانی عێراق کاندید کردوووه.
ئه‌و سه‌رچاوه‌یه جه‌ختی کرده‌وه که موقته‌دا سه‌در له دیداری ئه‌م دواییه‌ی له‌گه‌ڵ سه‌یدعه‌مار حه‌کیم ڕێبه‌ری ڕه‌وتی حیکمه‌ت وه‌ته‌نی و سه‌رۆکی هاوپه‌یمانیی نه‌ته‌وه‌ییی عێراق ناوبراوی له بڕیاره‌که‌ی بۆ کاندید کردنی جه‌عفه‌ر سه‌در ئامۆزاکه‌ی بۆ پۆستی سه‌رۆک وه‌زیرانی عێراق ئاگادار کردۆته‌وه و حه‌کیمیش به‌ڵێنی پێی داوه که پارته کوردستانییه‌کان و وڵاتانی عه‌ره‌بی و ناوچه‌که له‌و بڕیاره ئاگادار بکاته‌وه.
شیاوی ئاماژه‌یه که جه‌عفه‌ر سه‌در کوڕی شه‌هید ئایه‌توڵڵا محه‌مه‌د باقر سه‌در بونیاتنه‌ری پارتی ده‌عوه‌ی عێراقه بۆیه کاندیداکانی حیزبی ده‌عوه ناتوانن ناڕه‌زایه‌تی ده‌رببڕن به کاندیدبوونی جه‌عفه‌ر سه‌در بۆ پۆستی سه‌رۆک وه‌زیرانی عێراق.
کۆدی هه‌واڵنێر: 60104
Your Comment