به‌پێی هه‌واڵی کوردپرێس، سه‌لیم كۆیی ئه‌ندامی سه‌ركردایه‌تیی كۆمه‌ڵی ئیسلامی له لێدوانێكدا به SNNی ڕاگه‌یاند: "ئه‌و بژارده‌یه‌ی كۆده‌نگی شه‌ش لایه‌نه‌كه‌ی له‌سه‌ره ته‌نها ئه‌وه‌یه كه بایكۆتی پرۆسه‌ی سیاسی له عێراق و هه‌رێم بكه‌ین، جگه له‌م بژارده‌یه له به‌رنامه‌ماندایه ده‌ست به كۆبونه‌وه بكه‌ین بۆ هه‌ڵوێستی داهاتوو".
وتیشی:"بژارده‌ی كشانه‌وه له پرۆسه‌ی سیاسیی، تا ئێستا بڕیاری كۆتاییمان له‌سه‌ر نه‌داوه ته‌نها كۆده‌نگی هه‌یه، ئێستاش له‌گه‌ڵ كۆمسیۆنی باڵای هه‌ڵبژاردنه‌كان و لایه‌نه په‌یوه‌ندیداره‌كان له‌سه‌رخه‌تین سه‌باره‌ت به سكاڵاكان".
ئاماژه‌ی به‌وه‌ش كرد: "له ئه‌گه‌ری به‌شداری نه‌كردنیان له پرۆسه‌ی سیاسیی عێراق و كشانه‌وه‌یان وه‌ک شه‌ش لایه‌نه‌كه، هه‌رێم ده‌كه‌وێته به‌رده‌م قه‌یرانێكی مه‌ترسیدار و ته‌نها ده‌بێته جێبه‌جێكاری بڕیاره‌كانی به‌غدا و پێشێل كردنی مافه ده‌ستورییه‌كانی هه‌رێم، بۆیه پێویسته ڕێكه‌وتنێكی گه‌وره له نێوان كۆی لایه‌نه‌كانی هه‌رێمدا ئه‌نجام بدرێت".
کۆدی هه‌واڵنێر: 60104
Your Comment