به‌پێی هه‌واڵی کوردپرێس، ڕۆژی ڕابردوو 16ی ئایار له‌ میانی كۆبوونه‌وه‌ی مه‌سعوود بارزانی له‌گه‌ڵ برێت مه‌كگۆرک نێرده‌ی سه‌رۆكی ئه‌مریكا بۆ شه‌ڕی دژ به‌ داعش مه‌كگۆرک ڕای‌گه‌یاند: سیاسه‌تی وڵاته‌كه‌ی ئه‌وه‌یه‌ كه‌ پێویسته‌ هه‌رێمی كوردستان له‌ هاوكێشه‌كانی عێراقدا به‌هێز و كاریگه‌ر بێت و داوایشی كرد كه‌ په‌یوه‌ندییه‌كانی نێوان ئه‌مه‌ریكا و هه‌رێمی كوردستان له‌ هه‌موو بواره‌كاندا به‌رده‌وام بمێنێ و فراوانتر بكرێت ئه‌وه‌ش به‌ گوێره‌ی ماڵپه‌ڕی فه‌رمیی بارزانی.

هه‌ر له‌و كۆبوونه‌وه‌یه‌دا پڕۆسه‌ی سیاسیی عێراق و ئه‌نجامی هه‌ڵبژاردنه‌كانی ئه‌نجومه‌نی نوێنه‌رانی عێراق و ڕۆڵی هه‌رێمی كوردستان له‌ سه‌قامگیریی سیاسیی تاوتوێ كرا و ڕۆشناییش خرایه‌ سه‌ر ئه‌گه‌ره‌كانی پێكهێنانی حكوومه‌تی ئایینده‌ی عێراق و جه‌ختیش له‌وه‌ كرایه‌وه‌ كه‌ به‌ بێ به‌شداریی كارا و حه‌قیقیی هه‌رێمی كوردستان هه‌وڵه‌كان بۆ پێكهێنانی حكوومه‌ت و دروست بوونی سه‌قامگیری سه‌ر ناگرێت.

سه‌رچاوه‌: شارپرێس

کۆدی هه‌واڵنێر: 60103