به‌پێی هه‌واڵی کوردپرێس، منازڵ مووسه‌وی له گفتوگۆ له‌گه‌ڵ هه‌واڵده‌ریی "بغداد الیوم"دا زیادی کرد: هاوپه‌یمانیی سائروون زۆرینه‌ی ده‌نگه‌کانی هه‌ڵبژاردنی په‌رله‌مانی مسۆگه‌ر کردوووه بۆیه سه‌رۆک وه‌زیرانی داهاتووی عێراق له لایه‌ن ئه‌و هاوپه‌یمانییه‌وه هه‌ڵده‌بژێردرێت.
مووسه‌وی ئاماژه‌ی دایه ئه‌وه‌ی که ئه‌و هاوپه‌یمانییانه‌ی که له داهاتوودا له‌گه‌ڵ هاوپه‌یمانیی سائروون ئه‌نجام ده‌بێت، نه‌خشه‌ی سیاسیی داهاتووی عێراق به دیاری کردنی سه‌رۆک وه‌زیرانی نوێ داده‌ڕێژێت.
ناوبراو زیادیشی کرد: ده‌ستێوه‌ردانه ناوچه‌یی و نێوده‌وڵه‌تییه‌کان کاریگه‌ری له سه‌ر هاوپه‌یمانیی سائروون به‌تایبه‌ت له ڕه‌وتی دیاری کردنی سه‌رۆک وه‌زیرانی نوێی عێراق دانانێت.
کۆدی هه‌واڵنێر: 60104
Your Comment