ئارام ساڵه‌يى گوتيشى: "سكاڵاكان له لايه‌ن ئه‌نجومه‌نى كۆميسيارانى كۆميسيۆنه‌وه يه‌كلا ده‌كرێنه‌وه".
ڕوونيشی كرده‌وه: "به گشتى له هه‌رێمى كوردستان 80 سكاڵا تۆمار كراون و له‌و ژماره‌يه‌ش 45 سكاڵايان له ده‌نگدانى تايبه‌ت تۆمار كراون و 35 سكاڵاكه‌ى ديكه له ناوچه جياجياكانى هه‌رێمه‌وه تۆمار كراون".
ساڵه‌يى سه‌باره‌ت به شوێنى تۆماركردنى سكاڵاكان، گوتى: "له پارێزگاى سلێمانى 51 سكاڵا و له پارێزگاى دهۆک 15 سكاڵا و له هه‌ولێريش كه‌مترين سكاڵا هه‌بوووه كه 14 سكاڵا بوون و له لايه‌ن ته‌واوى لايه‌نه سياسييه به‌شداربووه‌كانى هه‌ڵبژاردن تۆمار كراون".
ئاماژه‌شى بۆ ئه‌وه كرد: "سكاڵاكان ره‌وانه‌ى به‌غدا ده‌كرێن و له‌وێ يه‌كلا ده‌كرێنه‌وه".
ئه‌مڕۆ 12ى ئايار/ مايۆى 2018، پرۆسه‌ی ده‌نگدان، بۆ هه‌ڵبژاردنی ئه‌نجومه‌نی نوێنه‌رانی عێراق به‌ڕێوه چوو و زیاتر له 22 ملیۆن هاووڵاتی له هه‌رێمی كوردستان و عێراق مافی ده‌نگدانیان هه‌بوو.
وێڕای سه‌رهه‌ڵدانی هه‌ندێک گرفتی ته‌كنیكی له ئامێره ئه‌لیكترۆنییه‌كانی خوێندنه‌وه، كۆمیسیۆنی باڵا كۆتاییهاتنی پرۆسه‌كه‌ی به سه‌ركه‌وتوویی وه‌سف كرد.
کۆدی هه‌واڵنێر: 60104
Your Comment