به‌پێی هه‌واڵی کوردپرێس، عامر فایز له گفتوگۆ له‌گه‌ڵ هه‌واڵده‌ریی "المعلومه"دا وتی: به هۆی به‌ربڵاوبوونی لایه‌نه سیاسییه‌کان، سه‌رهه‌ڵدانی که‌سایه‌تییه نوێیه‌کان له بواری سیاسیی عێراق و گۆڕانکاری ئاڵوگۆڕی سیاسی له‌و وڵاته، پێکهێنانی ده‌وڵه‌تی داهاتووی عێراق له چاو ده‌وڵه‌تانی پێشوو کاتێکی زیاتر ده‌بات.
ناوبراو ئاماژه‌ی دایه ئه‌وه‌ی که ده‌وڵه‌تی نوێ به بۆنه‌ی بوونی هاوپه‌یمانیی زۆری هه‌ڵبژاردنی ناتوانێت له هاوپه‌یمانیێک پێکبهێندرێت و زیادی کرد: ئه‌نجامی هه‌ڵبژاردن، لایه‌ن یان حیزبێک دیاری ده‌کات که بڕیاره پۆستی سه‌رۆک وه‌زیرانی عێراق له داهاتوو له ده‌ست بگرێت.
فایز جه‌ختیشی کرده‌وه که هه‌موو حیزب و لایه‌نه سیاسییه‌کانی عێراق خوازیاری چوونه ده‌ره‌وه له سیسته‌می دابه‌ش کردنی پۆسته حکوومییه‌کانن، به‌ڵام له باره‌ی گه‌یشتن به ئیستحقاقی هه‌ڵبژاردنی له نێوان هه‌مووی ئه‌و حیزبانه‌ش لێکتێگه‌یشتن هه‌یه.
کۆدی هه‌واڵنێر: 60104
Your Comment