بەپێی هەواڵی کوردپرێس ئیبراهیم جەعفەری راشیگەیاند، داواكەیان بەشێوەیێكی فەرمی داوەتە بەرپرسانی توركیا و داواشیان كردووە بەزوویی‌ و بەپەلە سوپای توركیا لە ناو خاكی عێراق بكشێتەوە.

ئەمە لەكاتێكدایە، ماوەی دوو رۆژە وەزیری دەرەوەی عێراق بەسەردانێكی فەرمی لەتوركیایەو لەگەڵ وەزیری دەرەوەی ئەو وڵاتە مەولود چاوشئۆغڵۆ چەند كۆبوونەوەیەكی كردووە.

جەعفەری ئەوەشی راگەیاند، كە عێراق رێگە بەهیچ گروپ‌و لایەنێك نادات، كە خاكی وڵاتەكەی بۆ هێرشكردنە سەر توركیا بەكاربهێنێت، بۆیە سوپای توركیاش دەبێت لەخاكی عێراق بكشێتەوە.

سەرچاوە: شارپرێس