بەپێی هەواڵی کوردپرێس، عەبدولباست دەروێش وتەبێژى نووسینگەى کەرکووکى کۆمیسیۆنى باڵاى سەربەخۆى هەڵبژاردنەکان، بەدەنگى ئەمەریکاى راگەیاند تا ئێستا مۆڵەت دراوەتە 25 رێکخراوى کۆمەڵگەى مەدەنى تا چاودێرى پرۆسەى هەڵبژاردن لە کەرکووک بکەن.

سەبارەت بە ژمارەى ئەو چاودێرە بیانیانەى ناوى خۆیان بۆ چاودێرى کردنى پرۆسەکە تۆمار کردووە، عەبدولباست وتى باج بۆ 10 هەزار چاودێرى ناوخۆیى دروست کراوە، بەڵام تا ئێستا چاودێرى بیانى بۆ ناو تۆمار کردن نەهاتووەتە لاى ئێمە.

جوان حەسەن سەرۆکى لیستى یەکگرتوى ئیسلامى بۆ هەڵبژاردنى پەرلەمانى عێراق، چاودێرى کردنى پرۆسەى هەڵبژاردنى لە کەرکوک لەلایەن چاودێرە بیانیەکانەوە بەگرنگ وەسف کرد، بەدەنگى ئەمەریکاى وت: خەڵک ترسى لە پێشێلکارى و تەزویران هەیە، بوونى چاودێرانى نێودەوڵەتى ئەو ترسەى خەڵک و هێزە سیاسیەکانیش دەرەوێنێتەوە.

کۆدی هەواڵنێر: 60113