بەپێی هەواڵی کوردپرێس ئێواره‌ى ڕۆژی سێشه‌ممه 1/5/2018، نێچیرڤان بارزانى سه‌رۆك وه‌زیرانى ههرێمى كوردستان، پێشوازى له ئیره‌ج مه‌سجدى، باڵیۆزى كۆمارى ئیسلامیى ئێران له عێراق كرد كه بۆ به‌شداری كردن له كۆنفرانسى په‌‌ره‌پێدانى په‌یوه‌ندیى ئابووریى نێوان كۆمارى ئیسلامیى ئێران و ههرێمى كوردستان له هه‌ولێر، بانگهێشت كراوه.
له دیدارێكدا كه مورته‌زا عیبادى، سه‌ركونسولى كونسلخانه‌ى ئێران له هه‌ولێر ئاماده‌ى بوو، هه‌ردوولا په‌یوه‌ندییه بازرگانییه‌كانى نێوان ههرێمى كوردستان و كۆمارى ئیسلامیى ئێرانیان تاتوێ كرد و تیشكیان خسته سه‌ر كۆنفرانسه‌كه، كه له‌لایه‌ن ژووره بازرگانییه‌كانى ههرێمى كوردستانه‌وه ساز كراوه و بڕیاره سبه‌ى چوارشه‌ممه له هه‌ولێر به‌ڕێوه بچێت.
کۆدی هەواڵنێر: 60101
Your Comment