به‌پێی هه‌واڵی کوردپرێس، له ڕاگه‌یه‌ندراوێكدا كه وێنه‌یێكی بۆ خه‌ندان نێردراوه نه‌ته‌وه یه‌كگرتوووه‌كان ئاماژه‌ی به‌وه كردوووه "به پشتیوانیی حكوومه‌تی ئه‌ڵمانیا، به‌رنامه‌ی هه‌ستانه‌وه و به‌ده‌نگه‌وه چوونی قه‌یران له عێراق سه‌ر به به‌رنامه‌ی نه‌ته‌وه یه‌كگرتوووه‌كان بۆ په‌رپێدانی پارێزگای هه‌ولێر، پێكهاته‌ی سه‌ره‌كیی وێستگه‌ی پاڵاوتنی ئاوه‌كه‌یان نوێ كرده‌وه به بینادنانی وێستگه‌یێكی تڕومپا و بۆری سه‌ره‌كی گواستنه‌وه و یه‌كه‌ی چاره‌سه‌ر كردنی ئاو".
ئاشلی كاڕل به‌ڕێوه‌به‌ری به‌رنامه‌ی هه‌ستانه‌وه و به‌ده‌نگه‌وه چوونی قه‌یران له عێراق سه‌ر به به‌رنامه‌ی نه‌ته‌وه یه‌كگرتوووه‌كان ڕای‌گه‌یاند؛ "یه‌كه‌مین هه‌نگاو بۆ چاک كردنه‌وه له پاش قه‌یران بریتییه له زامن كردنی خزمه‌تگوزارییه بنه‌ڕه‌تییه‌كان بۆ خه‌ڵكی، به‌رنامه‌ی هه‌ستانه‌وه و به‌ده‌نگه‌وه چوونی قه‌یران له عێراق كار بۆ گه‌یشتن به خزمه‌تگوزارییه بنه‌ڕه‌تییه‌كان زیاتر ده‌كات و ژیانی كۆمه‌ڵگای دۆخناسكه‌كان باشتر ده‌كات له هه‌موو عێراقدا".
ناوبراو ئاماژه‌ی به‌وه‌ش كرد "له ڕێی به‌خشینی به‌خشه‌ره‌كانه‌وه به‌رنامه‌ی هه‌ستانه‌وه و به‌ده‌نگه‌وه‌چوونی قه‌یران له عێراق سه‌ر به به‌رنامه‌ی نه‌ته‌وه یه‌كگرتوووه‌كان زیاتر له 30 پڕۆژه‌ی نوێی ژێرخانی به گه‌ڕ خستوووه له هه‌موو وڵاته‌كه‌دا".
کۆدی هه‌واڵنێر: 60103
Your Comment