به‌پێی هه‌واڵی کوردپرێس، مه‌حموود خۆشناو به هه‌واڵده‌ریی "الغدپرس"ی وت: هه‌ندێک له میدیاکان هه‌واڵێکیان له‌باره‌ی ئه‌گه‌ری دابه‌زینی ژماره‌ی کورسییه‌کانی یه‌کێتیی نیشتمانیی کوردستان له 21 کورسی بۆ 16 کورسی له هه‌ڵبژاردنی داهاتووی په‌رله‌مانی عێراق بڵاو کردۆته‌وه که ئه‌و هه‌واڵانه دووره له ڕاستی.
ناوبراو ئاماژه به‌وه‌ش ده‌دات که ئێستا هه‌ندێک لایه‌نی سیاسی له ئاوی لێڵ ماسی ده‌گرن و هه‌وڵه‌کانیان بۆ کارتێکه‌ری له‌سه‌ر ده‌نگی لایه‌نگرانی یه‌کێتیی نیشتمانیی کوردستان چڕ ده‌که‌نه‌وه.
مه‌حموود خۆشناو وتیشی: یه‌کێتی توانیویه‌تی له دژوارترین دۆخدا هاوسه‌نگیی ده‌سه‌ڵات له هه‌رێمی کوردستان بپارێزێت و پێوه‌ندییێکی پته‌وی له‌گه‌ڵ کۆمه‌ڵگای جیهان و تێکڕای ئیتنیکه‌کان له عێراق ببێت.
کۆدی هه‌واڵنێر: 60103
Your Comment