به‌پێی هه‌واڵی کوردپرێس، ناسر حه‌زره‌تی له باره‌ی به‌رنامه‌کانی نه‌وبه‌خت له سه‌فه‌ر بۆ پارێزگای ئازه‌ربایجانی ڕۆژئاوا ڕای‌گه‌یاند: سه‌ردانی پڕۆژه‌ی هێڵی ئاسنیی مه‌راغه-ورمێ و چه‌ندین پڕۆژه‌ی ئاوه‌دانکاری دیکه و لێدوان له کۆبوونه‌وه‌ی ئه‌نجومه‌نی ئیداریی پارێزگا له به‌رنامه‌کانی ئه‌و سه‌ردانه‌یه.
به وته‌ی سه‌رۆکی ڕێکخراوی به‌رنامه و بودجه‌ی ئازه‌ربایجانی ڕۆژئاوا پڕۆژه‌ی هێڵی ئاسنیی مه‌راغه-ورمێ له‌سه‌دا 97 و وێستگه‌ی هێڵی ئاسنیی ورمێش له‌سه‌دا 96 پێشکه‌وتنی فیزیکی بوووه.
ناوبراو زیادی کرد: ئه‌و پڕۆژه‌یه به درێژاییی 180 کیلۆمه‌تر ئازه‌ربایجانی ڕۆژئاوا ده‌لکێنێت به پارێزگاکانی ئازه‌ربایجانی ڕۆژهه‌ڵات، زه‌نجان، قه‌زوین و ناوه‌ندی وڵات.
ئازه‌ربایجانی ڕۆژئاوا به هۆی هاوسنوور بوون له‌گه‌ڵ سێ وڵاتی تورکیا، عێراق و کۆماری ئازه‌ربایجان، شاڕێیانی په‌یوه‌ندیی ئێران له‌گه‌ڵ ئه‌ورووپا دێته ئه‌ژمار و گه‌شه‌ی ژێرخانه‌کانی گواستنه‌وه و گه‌یاندن گرینگیی زۆری هه‌یه.
کۆدی هه‌واڵنێر: 60104
Your Comment