به‌پێی هه‌واڵی کوردپرێس، کۆمپانیای ڕاپرسیی مێترۆپۆلی تورکیا یه‌کێک له‌ ناوبانگترین و گه‌وره‌ترین کۆمپانیاکانی ڕاپرسیی ئه‌و وڵاته‌ ده‌رئه‌نجامی لێکۆڵینه‌وه‌ و ڕاپرسیی مانگی مارچی 2018ی بڵاو کرده‌وه‌ که‌ تێیدا 45 له‌سه‌دی لایه‌نگرانی پارتی بزاڤی نه‌ته‌وه‌په‌ره‌ستی تورکیا (ته‌قریبه‌ن له‌ هه‌ر دوو لایه‌نگری پارتی بزاڤی نه‌ته‌وه‌په‌ره‌ست یه‌ک لایه‌نگر) دژ به‌ "ئیئتیلافی کۆمار"ن.

ئیئتیلافی کۆمار ئیئتیلافی هه‌ڵبژاردنی پارتی داد و گه‌شه‌ و پارتی بزاڤی نه‌ته‌وه‌په‌ره‌سته‌.

ده‌رئه‌نجامێکی سه‌ره‌نجڕاکێشی دیکه‌ که‌ له‌م ڕاپرسییه‌ وه‌ده‌ست هاتوووه‌ سه‌باره‌ت به‌ په‌سه‌ند کردنی سه‌رۆکایه‌تیی ڕه‌جه‌ب ته‌ییب ئه‌ردۆغانه‌ که‌ 42.1 له‌سه‌دی به‌شداربوووانی ئه‌و ڕاپرسییه‌ به‌رپرسیارێتییه‌کانی ئه‌ردۆغان له‌ پۆستی سه‌رۆکایه‌تی کۆماریان په‌سه‌ند نه‌کردووه‌ و 49.8 له‌سه‌د به‌رپرسیارێتییه‌کانی ناوبراو له‌و پۆسته‌یان په‌سه‌ند کردوووه‌ و 8.1 له‌سه‌دیش وه‌ڵامی ئه‌و پرسیاره‌یان نه‌داوه‌ته‌وه‌.

سه‌رچاوه‌: ڕۆژنامه‌ی جمهوورییه‌ت

کۆدی هه‌واڵنێر: 60103