به‌پێی هه‌واڵی کوردپرێس، عالیه‌ نۆسه‌یف به‌ هه‌واڵده‌ریی مه‌علوومه‌ی وتوووه‌: فوئاد مه‌عسووم سه‌رۆک کۆماری عێراق ته‌نها ده‌توانێت ناڕه‌زایه‌تی به‌ پڕۆژه‌یاسای په‌سه‌ندکراوی بودجه‌ ده‌رببڕێت که ده‌قه‌که‌ی‌ له‌ ڕۆژنامه‌ی فه‌رمیی عێراق بڵاو ده‌کرێته‌وه‌ به‌ڵام مافی به‌رز کردنه‌وه‌ی سکاڵا دژ به‌ سه‌لیم جبووری سه‌رۆکی ئه‌نجومه‌نی نوێنه‌رانی نییه‌ چوونکه‌ ده‌ستووری عێراق ده‌ستکراوه‌ییێکی وای به‌ ناوبراو نه‌داوه‌.

ناوبراو ڕوونیشی کرده‌وه‌: جبووری ماده‌ی 73ی بڕگه‌ی سێهه‌می ده‌ستووری عێراق له‌گه‌ڵ یاسای بودجه‌ی 2018ی عێراقی جێبه‌جێ کردوووه‌ که‌ ده‌ڵێت ئه‌گه‌ر ئه‌و یاسایه‌ پاش 15 ڕۆژ په‌سه‌ند کردن له‌لایه‌ن سه‌رۆک کۆماره‌وه‌ په‌سه‌ند نه‌کرێت به‌ په‌سه‌ندکراو دێته‌ ئه‌ژمار.

شایانی باسه‌؛ ڕۆژی چوارشه‌ممه (4ی ئه‌یپڕێڵ)‌ فوئاد مه‌عسووم سکاڵانامه‌یێکی دژ به‌ سه‌لیم جبووری له‌باره‌ی نایاسایی بوونی 13 ماده‌ی ڕه‌شنووسی بودجه‌ی گشتیی 2018ی عێراق بۆ دادگای فیدڕاڵی ئه‌و وڵاته‌ به‌رز کردۆته‌وه‌.

کۆدی هه‌واڵنێر: 60103