به‌پێی هه‌واڵی کوردپرێس، به‌ بۆنه‌ى كۆچى دواییى خوالێخۆشبوو دلۆڤان ئیدریس بارزانییه‌وه‌، سه‌رۆک ئه‌ردۆغان ئێواره‌ى ئه‌مڕۆ چوارشه‌ممه‌ 2018.04.04 په‌یوه‌ندییێكى ته‌له‌فۆنى به‌ نێچیرڤان بارزانییه‌وه‌ كرد و تیایدا وێڕاى پرسه‌ و سه‌ره‌خۆشى له‌ سه‌رۆكوه‌زیران، هاوخه‌مى و هاوده‌ردیى قووڵى خۆى بۆ كۆچى ناواده‌ى خوالێخۆشبوو دلۆڤان ئیدریس بارزانى له‌گه‌ڵ به‌ڕێزیان و ته‌واوى خانه‌واده‌ى بارزانى ده‌ربڕى.

سه‌رۆک ئه‌ردۆغان دووپاتى كرده‌وه‌ كه‌ له‌م كۆسته‌دا هاوخه‌م و هاوده‌ردى نێچیرڤان بارزانى و خانه‌واده‌ى بارزانییه‌ و هیواى خواست ئه‌مه‌ دوایین خه‌م و كۆستى خۆیان و خانه‌واده‌كه‌یان بێت و خواى مه‌زن خوالێخۆشبوو به‌ به‌زه‌یى و به‌هه‌شتى خۆى شاد بكات.

لاى خۆیه‌وه‌ نێچیرڤان بارزانى سوپاسى سه‌رۆک ئه‌ردۆغانى كرد و پێزانینى خۆى بۆ په‌یوه‌ندییه‌ ته‌له‌فۆنییه‌كه‌ى و سه‌ره‌خۆشی كردن و هاوخه‌مییان ده‌ربڕى.

سه‌رچاوه‌: ماڵپه‌ڕی فه‌رمیی پارتی دیموکراتی کوردستان

کۆدی هه‌واڵنێر: 60103