به‌پێی هه‌واڵی کوردپرێس، به‌ دوای دانووستان و گفتوگۆی ڕۆژی ڕابردووی نێوان دوو شاندی تورکی و ڕووسی له‌ ئه‌نقه‌ره‌، ئیسماعیل دمیر ڕاوێژکاری پیشه‌ی به‌رگریی تورکیا له‌ په‌یجی تایبه‌تی خۆی له‌ توویته‌ردا ڕای‌گه‌یاند: به‌پێی ڕێککه‌وتن و دانووستانه‌ ئه‌نجام‌دراوه‌کان ڕاده‌ست کردنی سیسته‌می مووشه‌کیی S-400ی ڕووسیا به‌ تورکیا پێش له‌ کاتی دیاری‌کراو ئه‌نجام ده‌بێت و ڕووسیا له‌ جووڵای 2019 ئه‌و مووشه‌که‌ ڕاده‌ستی تورکیا ده‌کات.

ناوبراو له‌ درێژه‌دا ده‌شڵێت: له‌ کۆبوونه‌وه‌ی شاندی ڕووسیا له‌گه‌ڵ تورکیا ڕێککه‌وتن له‌سه‌ر به‌رز کردنه‌وه‌ی ئاستی هاوکارییه‌کانی نێوان دوو وڵات له‌ بواری سه‌ربازی هاتۆته‌دی که‌ گرینگترینیان ڕاده‌ست کردنی پێشوه‌ختی سیسته‌می مووشه‌کیی S-400 به‌ تورکیایه‌.

سه‌رچاوه‌: ڕۆژنامه‌ی ستار

کۆدی هه‌واڵنێر: 60103