به‌پێی هه‌واڵی کوردپرێس، ماجد شه‌نگالی به‌ هه‌واڵده‌ریی "الاتجاه‌پرس"ی وت: ئێستاکه‌ تۆپی یاری له‌ ناو زه‌وینی ده‌وڵه‌تی فیدڕاڵی عێراقدایه‌ و ده‌بێ چ له‌ ڕێگای دیپلۆماتیک و چ له‌ ڕێگای ده‌رکردنی هێزه‌کانی په‌که‌که‌ له‌ خاکی ئه‌و وڵاته‌ وه‌ڵامی هه‌ڕه‌شه‌کانی ڕه‌جه‌ب ته‌ییب ئه‌ردۆغان سه‌رۆک کۆماری تورکیا له‌باره‌ی چوونی هێزه‌کانی ئه‌و وڵاته‌ بۆ ناو خاکی عێراق بدرێته‌وه‌.

ناوبراو جه‌خت له‌سه‌ر دژایه‌تیی حیزبه‌که‌ی له‌گه‌ڵ هه‌ر جۆره‌ ده‌ستدڕێژکاری بیانی بۆ ناو خاکی عێراق به‌ تایبه‌ت ده‌ستدڕێژی تورکیا بۆ شاری شه‌نگال ده‌کاته‌وه‌ و خوازیاری ئیزن نه‌دان به‌ ئاماده‌ بوونی هێزه‌ بیانییه‌کان له‌ ناو خاکی عێراق و ده‌رکردنی هێزه‌کانی په‌که‌که‌ له‌ ناوچه‌ سنوورییه‌کانی باکووری ئه‌و وڵاته‌ بوو.

کۆدی هه‌واڵنێر: 60103