بەپێی هەواڵی کوردپرێس، غیاس سوورچی لە گفتوگۆ لەگەڵ هەواڵدەریی «بغداد الیوم»دا وتی: ئەنقەر بە نیازە هەرێمی کوردستان بە دوو بەشی ئیدارەی سلێمانی و ئیدارەی هەولێر دابەش بکات بەمەبەستی لاواز کردنی هەرێمی کوردستان، بۆیەش تورکیا ڕێگری دەکات لە گەشتە ئاسمانییەکانی خۆی بۆ فڕۆکەخانەی سلێمانی.
سوورچی جەختیشی کردەوە هەموو هێزەکانی پارتی کرێکارانی کوردستان لە شەنگال کشاونەتەوە و کەسێک لەو ناوچەیەدا نەماوە و ئێستا ئەو هێزانە لە چیای قەندیل لە نزیکیی سلێمانی-دان.
سوورچی وتیشی تورکیا بە دوای بیانووە بۆ دەستێوەردان لە کاروباری ناخۆیی عێراق و چاوی تەماحی لە هەموو ناوچەکانی مووسڵە.
کۆدی هه‌واڵنێر: 60113
Your Comment