بەپێی هەواڵی کوردپرێس، ڕەجەب تەیب ئەردۆغان سەرکۆماری تورکیا لە ڕێگای تەلەفۆنەوە لەگەڵ هاوتا فەرانسییەکەی خۆی سەبارەت بە پێوەندییە دوولایەنەکان و دۆخی ناوچەکە گفتوگۆی کرد.
ئەردۆغان وێڕای ئیدانە کردنی ڕووداووی بارمتەگیری و تیرۆریستیی باکووری فەرانسە هەندێک زانیاریی لەبارەی ئۆپەراسیۆنی چڵە زەیتوونەوە ئاراستەی ماکرۆن کرد و ناڕەحەتیی خۆی دەربڕی هەمبەر هەندێک وتەی بێسەر و بن کە لەبارەی عەفرینەوە باس دەکرێت.
سەرۆک‌کۆماری تورکیا جەختی لەوە کردۆتەوە وڵاتەکەی بۆ دابین کردنی ئاسایش و سڕینەوەی هەڕەشەی ئەمنیی گرووپە تیرۆریستییەکان باکووری سوریا پاکسازی دەکات و ئاسایش و ئاسوودەیی بۆ خەڵکی ناوچەکە دابین دەکات.
سەرچاوە: هەواڵدەریی دۆغان
کۆدی هەواڵنێر: ٦٠١٠١
Your Comment