بەپێی هەواڵی کوردپرێس، تیمی تۆپی پێی سەردار پاش نیوەڕۆی ئەمڕۆ یەکشەممە 27ی ڕەشەمە لە چوارەمین حەوتەی قۆناخی کۆتایی خولی دەستەی دووی وڵاتدا لە یاریگەی پێنج هەزار کەسیی بۆکان میوانداری تیمی شارەداریی بەندەر عەباس بوو.

سەردار بە ئامادە بوونی 7 هەزار لایەنگرەوە لە دەقەی 12دا گۆڵی یەکەمی یارییەکەی تۆمار کرد بەڵام لە دەقەی 40دا تیمی شارەداری بە تۆمار کردنی گۆڵێک یارییەکەی بەرانبەر کرد.

لە درێژەدا و لە دەقەی 85 یاریزانێکی تیمی بەندەر عەباس کارتی سووری وەرگرت و لە یارییەکە دەرکرا. لە کاتێکدا یارییەکە ڕووی لە کۆتای بوو تیمی بەندەر عەباس دووهەمین گوڵی خۆی تۆمار کرد تا تیمی سەرداری بۆکان بۆ سێهەمین جار لەم خولەدا سەرکەوتن بەدەست نەهێنێت.

پاش کۆتایی هاتنی یارییەکە هۆگرانی سەرداری بۆکان هێرشیان کردە ناو زەمینی یاریگاکە و پۆلیس بۆ پاراستنی ئاسایش و ڕێگری کردن لە پێکدادان ناچار کرا گازی فرمێسک ڕێژ بەکار بێنێت.

کۆدی هه‌واڵنێر: 60113