بەپێی هەواڵی کوردپرێس، دلێر ماوەتی سەرۆکی فراکسیۆنی یەکێتی لە پەرلەمانی کوردستان ڕایگەیاند: "تا ئێستا لەلایەن حکوومەت و پەرلەمانەوە ھیچ ھەنگاوێک بۆ ئامادەکردنی یاسای بودجەی ٢٠١٨ بۆ ھەرێم نەنراوە سەرباری ئەوەی ھەوڵ ھەیە بۆ ڕێکەوتن لە نێوان ھەولێر و بەغدا لەبارەی پشکی ھەرێم و ناردنی مووچەی فەرمانبەران".

ناوبراو وتیشی لەماوەی چوارساڵی ڕابردوودا کە تەمەنی ئەم خولەی پەرلەمان بووە، نەتوانرا یاسای بودجەی ھەرێم ئامادە بکرێت و پەسەند بکرێت.

سەرۆکی فراکسیۆنی یەکێتیی مەترسیێکی لەوبارەیەوە ئاشکرا کرد و وتی: "ئەگەر یاسای بودجەی ھەرێم ئامادە نەکرێت کۆی خەرجی و داھاتەکانی ھەرێم بە ناشەفافی دەمێنێتەوە و پشکی دامەزراندن دیاری ناکرێت، بەڵام ئەگەر یاساکە ئامادە بکرێت و پەسەند بکرێت بەگوێرەی یاسای بودجە کار دەکرێت و ناتوانرێت دامەزراندن لەدەرەوەی یاسا ئەنجام بدرێت".

بەوتەی ماوەتی بەھۆی پەسەند نەکردنی یاسای بودجە و نەبوونیەوە، ناتوانرێت زانیاری ورد سەبارەت بە کۆی خەرجی و داھاتی ساڵانەی ھەرێم دەست بکەوێت و دواتر ئاشکرا بکرێت یان بۆ ڕای گشتیی ڕوون بکرێتەوە.

سەرچاوە: SNN

کۆدی هه‌واڵنێر: 60113