به‌پێی هه‌واڵی کوردپرێس، ماجد غه‌راوی ئه‌ندامی کوتله‌ی ئاسایش و به‌رگریی ئه‌نجومه‌نی نوێنه‌رانی عێراق ڕای‌گه‌یاند: کوتله‌که‌یان دژ به قسه‌کانی ئه‌م دواییه‌ی مه‌ولوود چاووش ئۆغڵۆ وه‌زیری ده‌ره‌وه‌ی تورکیایه که سه‌باره‌ت به بڕیاری هاوبه‌شی به‌غدا- ئه‌نقه‌ره بۆ ئه‌نجامدانی ئۆپه‌راسیۆنی سه‌ربازیی هاوبه‌ش دژ به پارتی کرێکارانی کوردستان (PKK) پاش هه‌ڵبژاردنی داهاتووی په‌رله‌مانی عێراق کردبووی.
ناوبراو زیادی کرد: هه‌ر چه‌شنه ئۆپه‌راسیۆنێکی سه‌ربازی له سنووری عێراق پێشێل کردنی سه‌روه‌ری و ده‌سه‌ڵاتی ئه‌و وڵاته‌یه و وه‌زاره‌تی ده‌ره‌وه‌ی عێراق ده‌بێت به فه‌رمی هه‌ڵوێست بنوێنێت له به‌رانبه‌ر ئه‌و قسانه‌دا.
غه‌راوی گوتیشی: پێویسته ده‌وڵه‌تی عێراقیش بۆ ڕێگری کردن له هێزی ئۆپۆزیسیۆنی وڵاتانی دراوسێ هه‌وڵی خۆی بدات بۆ ئه‌وه‌ی بیانوو به ده‌ست وڵاتانی دیکه‌وه نادات ته‌داخول له کاروباری عێراق بکه‌ن.
سه‌رچاوه: هه‌واڵده‌ریی شه‌فه‌ق نیووز
کۆدی هه‌واڵنێر: 60103
Your Comment