به‌پێی هه‌واڵی کوردپرێس، د. خاڵس قادر، وته‌بێژی وه‌زاره‌تی ته‌ندروستیی حكوومه‌تی هه‌رێم به SNNی ڕاگه‌یاند: حكوومه‌تی عێراق به‌رده‌وامه له ناردنی به‌شه‌ده‌رمانی هه‌رێم به‌پێی پشكی 17% و له‌و ڕوووه‌شه‌وه له سه‌ره‌تای ئه‌مساڵه‌وه به‌رده‌وامی به پرۆسه‌ی ناردنه‌كه‌ی داوه.
د. خاڵس قادر سه‌باره‌ت به ده‌رمانی پێویستیی نه‌خۆشخانه‌كان وتی: "مانگانه له‌لایه‌ن حكوومه‌تی هه‌رێمه‌وه شه‌ش ملیار دینارمان بۆ خه‌رج ده‌كرێت و ڕه‌زامه‌ندیی ئه‌وه‌شمان وه‌رگرتوووه 30%ی داهاتی نه‌خۆشخانه‌كان بۆ كڕینی ده‌رمان و پێداویستیی پزیشكی به كار بهێندرێت به‌تایبه‌ت ئه‌و ده‌رمانانه‌ی كه زۆر پێویستن و له به‌غداوه ڕه‌وانه ناكرێت".
وته‌بێژی وه‌زاره‌تی ته‌ندروستی ڕاشی‌گه‌یاند: كێشه‌یان له ده‌رمان و پێداویستیی هۆڵه‌كانی نه‌شته‌رگه‌ری، بووژاندنه‌وه‌ی دڵ، چاودێریی چڕ و فریاكه‌وتنه‌كان نییه به‌ڵام تا ئێستاش گرفتمان له نه‌بوونی چه‌ند جۆره ده‌رمانێک هه‌یه.
کۆدی هه‌واڵنێر: 60103
Your Comment