به‌پێی هه‌واڵی کوردپرێس، شیرین ڕه‌زا له‌ گفتوگۆ له‌گه‌ڵ هه‌واڵده‌ریی "المعلومه‌"دا وتی: پارته‌ کوردستانییه‌کان ئارام شێخ محه‌مه‌د جێگری سه‌رۆکی په‌رله‌مانی عێراقیان ڕاسپاردوووه‌ تاکوو به‌ مه‌به‌ستی گرتنه‌به‌ری هه‌ڵوێستێکی هاوبه‌ش دژی به‌غدا به‌هۆی هه‌وڵی یه‌ک لایه‌نه‌ بۆ په‌سه‌ند کردنی پڕۆژه‌یاسای بودجه‌ی گشتیی عێراق و به‌ په‌راوێزخستنی کورده‌کان له‌و بودجه‌یه‌‌ له‌گه‌ڵ ڕێبه‌رانی کورد له‌ هه‌ولێر گفتوگۆ بکات.

ڕه‌زا ئاماژه‌ی دایه‌ ئه‌وه‌ی که‌ بایکۆت کردنی هه‌ڵبژاردنی په‌رله‌مانی عێراق له‌ لایه‌ن پارته‌ کوردستانییه‌کان و چوونه‌ده‌ره‌وه‌یان له‌ پڕۆسه‌ی سیاسیی ئه‌و وڵاته‌ دووره و وتی: په‌سه‌ندی پڕۆژه‌یاسای بودجه‌ی عێراق بۆ کورده‌کان بابه‌تێکی ته‌واوکراو نییه‌، به‌ڵکوو ئه‌وان بۆ پێداچوونه‌وه‌ له‌ باره‌ی پشکی هه‌رێمی کوردستان له‌و بودجه‌یه‌ له‌گه‌ڵ ده‌وڵه‌تی فیدڕاڵ گفتوگۆ ده‌که‌ن.

کۆدی هه‌واڵنێر: 60104