بەپێی هەواڵی کوردپرێس، له‌ ڕاگه‌یه‌ندراوێکدا که‌ سوپای پاسدارانی ئێران رایگه‌یاند، بە میللەتی بەشەرەف و قارەمانی ئێرانی ڕادەگەیێنین ئه‌مڕۆ هه‌ینی هه‌وڵی رفاندنی فڕۆکەیێکی نه‌فه‌رهه‌ڵگر لە جۆری فۆکۆ 100 سەربە کۆمپانیای فڕۆکەوانیی ئێران لەلایەن هێزە تایبەتەکانی ئاسایشی فڕینی سوپاوە پووچه‌ڵ کرایەوە که‌ له ‌شاری ئه‌هوازه‌وه‌ به‌ره‌و مه‌شهه‌د به‌ڕێکه‌وتبوو.

لە درێژەی ڕاگەیەنراوەکەدا هاتووە: ئه‌و که‌سه‌ش هه‌وڵیدا فڕۆکه‌که‌ بڕفێنێت ده‌ستگیر کراوه‌. ئه‌وه‌شی خسته‌ڕوو، رفێنه‌ری فڕۆکه‌که‌، به‌نیازبوو فڕۆکه‌که‌ به‌ره‌و فڕۆکه‌خانه‌ی یه‌کێک له‌وڵاتانی که‌نداو بگوازێته‌وه‌، به‌ڵام توانراوه‌ شکست به‌و پرۆسه‌یه‌ بهێندرێت و فڕۆکه‌که‌ له‌شاری ئه‌سفه‌هان به‌په‌له‌ بنیشێندرێته‌وه‌.

سوپای پاسداران ئەوەشی وەبیر هێنایەوە ڕەهند و وردەکارییەکانی ئەم پیلانە پێوشوێنگیری زیاتری بۆ دەکرێت.

کۆدی هەواڵنێر: 60113