به‌پێی هه‌واڵی کوردپرێس، موحسێن سه‌عدوون ئه‌ندامی سه‌رکردایه‌تیی پارتی دیموکراتی کوردستان له پرێس کۆنفڕانسێکدا وتوویه‌تی: حیزبه کوردستانییه‌کان په‌سه‌ندکرانی یاسای بودجه‌ی عێراق به سووکایه‌تی ده‌زانن که به کورد کراوه چوونکه پشکی هه‌رێمی کوردستان له‌و پڕۆژه‌یاسایه‌دا که‌م کراوه.
ناوبراو وتیشی: ئه‌وه یه‌که‌م جاره پڕۆژه‌یێکی گرینگ به بێ ده‌نگی کورد په‌سه‌ند ده‌کرێت.
سه‌عدوون زیادی کرد: حیزبه سیاسییه‌کانی کوردستان بژارده‌ی زۆریان له به‌رده‌ستدایه که ناڕه‌زایی ده‌رببڕن به‌رانبه‌ر به په‌سه‌ند کرانی پڕۆژه‌یاسای بودجه. یه‌ک له‌و بژاردانه‌ش ئه‌وه‌یه سکاڵا بۆ دادگه‌ی باڵای فیدڕاڵی عێراق به‌رز بکرێته‌وه و کاری سیاسییانه‌ی دیکه‌ش بکرێت.
ناوبراو به دووریشی زانی حیزبه‌کانی کوردستان له سه‌رۆکایه‌تیی کۆمار و په‌رله‌مان بکشێنه‌وه.
سه‌رچاوه: "بغداد الیوم"
کۆدی هه‌واڵنێر: 60104
Your Comment