کوردپرێس- BBC گرته‌یێکی ڤیدیۆیی بڵاو کردۆ‌ته‌وه که چه‌ند هه‌فته‌یێک له‌مه‌وبه‌ر له وڵاتی چین گه‌وره‌ترین پردی هه‌ڵواسراوی له شووشه دروست کرا و به ڕووی ڕێبواراندا کرایه‌وه که درێژترین پردی شووشه‌ییی هه‌ڵواسراوه له جیهاندا.
لاته‌نیشته‌کانی ئه‌و پرده هه‌ڵواسراوه به زیاتر له هه‌زار پارچه شووشه دروست کراوه و نزیکه‌ی 500 مه‌تر درێژییه‌که‌یه‌تی.
دیزاینی ئه‌و پرده هه‌ڵواسراوه به جۆرێک نه‌خشێندراوه و دروست کراوه ده‌توانێت له یه‌ک کاتدا دوو هه‌زار که‌س هه‌ڵبگرێت و پێیدا تێبپه‌ڕن به‌ڵام له‌به‌ر پاراستن و سه‌لامه‌تی گیانی ڕێبواران رێگه نادرێت له 500 که‌س زیاتر به سه‌ریدا گوزه‌ر بکات له یه‌ک کاتدا.
له ساڵی نوێی چینییه‌کاندا ئه‌و پرده به ڕووی ڕێبواراندا کرایه‌وه و ئاهه‌نگیان له‌سه‌ر گێڕا له‌سه‌ر داوای خه‌ڵکی چین.
ئه‌و پرده شووشه‌یییه هه‌ڵواسراوه له شێوه‌ی ئه‌ژدیهای باڵداری نێو دۆڵه‌کان دروست کراوه و ڕۆژانه هه‌زار که‌س به سه‌ریدا هاتوچۆ ده‌که‌ن.
سه‌رچاوه: خه‌ندان
کۆدی هه‌واڵنێر: 60103
Your Comment