به‌پێی هه‌واڵی کوردپرێس، ته‌لار له‌تیف ئه‌ندامی فراكسیۆنی یه‌كێتی له ‌په‌رله‌مانی كوردستان به ‌SNNی ڕاگه‌یاند: دوای گفتوگۆ كردن له‌سه‌ر بڕگه‌ی ڕێكخستنه‌وه‌ی پاسه‌وانی به‌رپرسان و باره‌گا حزبی و حكوومییه‌كان په‌رله‌مانی كوردستان بڕیاری دا به‌ لابردنی پاسه‌وانی تایبه‌تی به‌رپرسه‌ حزبییه‌كان.

ناوبراو وتیشی: "پاسه‌وانی باره‌گا حزبییه‌كان و دامه‌زراوه‌كانیش به ‌هه‌ماهه‌نگیی نێوان حكوومه‌ت له‌گه‌ڵ لیژنه‌ په‌یوه‌ندیداره‌كانی په‌رله‌مانی كوردستان ڕێک ده‌خرێته‌وه‌ و ده‌سه‌ڵاتی ڕه‌ها نادرێت به‌ حكوومه‌ت بۆ ڕێكخستنه‌وه‌ی ژماره‌ی پاسه‌وانی به‌رپرسان و دامه‌زراوه‌ حكوومی و حزبییه‌كان".

کۆدی هه‌واڵنێر: 60103