به‌پێی هه‌واڵی کوردپرێس، ئه‌نجومه‌نی ئاسایشی نه‌ته‌وه‌یه‌کگرتوووه‌کان له به‌یاننامه‌یێکدا داوای جێگیربوونی ئاگربه‌ست له سووریای کردوووه هه‌ڵبه‌ت ئه‌و ئاگربه‌سته شه‌ڕ دژی ئه‌لقاعیده، به‌ره‌ی نۆسره و داعش ناگرێته‌وه.
شه‌وی ڕابردوو هیزه‌ر ناوێرت وته‌بێژی وه‌زاره‌تی ده‌ره‌وه‌ی ئه‌مریکاش جه‌ختی کرده‌وه ئاگربه‌سته ئاماژه‌پێکراوه‌که بۆ هه‌موو خاکی سووریا ڕاگه‌یێندراوه و عه‌فرینیش به‌شێک له سووریایه.
ناوبراو له باره‌ی خۆبواردنی تورکیا له قبووڵ کردنی بڕیارنامه و ته‌ئکیدی ئه‌و وڵاته له‌سه‌ر درێژه‌ی ئۆپه‌راسیۆنی سه‌ربازی له عه‌فرین ده‌ڵێت: من تورکیا بۆ خوێندنه‌وه‌ی بڕیارنامه‌که هان ده‌ده‌م. بڕیارنامه‌که به ده‌نگدانه‌وه په‌سه‌ند کراوه که داوا له هه‌موو لایه‌نه‌کان ده‌کات بۆ ماوه‌ی سێ ڕۆژی به‌رده‌وام به مه‌به‌ستی ناردنی یارمه‌تییه مرۆڤدۆستانه‌کان شه‌ڕ نه‌که‌ن و توندوتێژی بنه لاوه.
ناوێرت زیادیشی کرد: به تورکیا پێشنیار ده‌که‌ین که ده‌قی بڕیارنامه‌ی په‌سه‌ندکراوی ئه‌نجومه‌نی ئاسایش بخوێنێته‌وه.
کۆدی هه‌واڵنێر: 60104
Your Comment