به‌پێی هه‌واڵی کوردپرێس، ماجد غه‌راوی له پرێس کۆنفڕانسێکدا ئاماژه‌ی دایه ئه‌وه‌ی که ئه‌مریکا وه‌کێڵ و سه‌رپه‌ره‌شتی عێراق نییه تاکوو سه‌باره‌ت به کڕینی سیسته‌می به‌رگریی "S400" له ڕووسیا هۆشداری بداته به‌غدا و له‌سه‌ر مامه‌ڵه‌ی چه‌ک و چۆڵی سه‌ربازیی عێراق له‌گه‌ڵ هه‌موو وڵاتانی جیهان جه‌ختی کرده‌وه.
غه‌راوی ڕه‌خنه‌ی گرت له بێده‌نگیی وه‌زاره‌تی ده‌ره‌وه‌ی عێراق هه‌مبه‌ر ده‌ستێوه‌ردانه‌کانی واشنتۆن له سه‌روه‌ری و یه‌کپارچه‌ییی عێراق و ئه‌مریکای به ده‌ستێوه‌ردان له کاروباری ناوخۆیی عێراق به بیانوی شه‌ڕ دژی تیرۆریزم و گرووپی داعش تاوانبار کرد.
شیاوی ئاماژه‌یه که وه‌زاره‌تی ده‌ره‌وه‌ی ئه‌مریکا هۆشداریی داوه‌ته به‌غدا و دیکه‌ی پێته‌خته‌کانی جیهان سه‌باره‌ت به پاشهاته‌کانی واژۆی گرێبه‌سته سه‌ربازییه‌کان له‌گه‌ڵ ڕووسیا.
سه‌رچاوه: که‌ناڵی هه‌واڵی "روسیا الیوم"
کۆدی هه‌واڵنێر: 60104
Your Comment