به‌پێی هه‌واڵی کوردپرێس، شوان ڕابه‌ر له گفتوگۆ له‌گه‌ڵ هه‌واڵده‌ریی "السومریه نیوز"دا ئاماژه‌ی دایه ئه‌وه‌ی که هه‌رێمی کوردستان پاش به‌ڕێوه‌چوونی گشتپرسیی ساڵی ڕابردووی زایینی به‌ره‌وڕووی کێشه‌ی زۆری سیاسی، ئابووری و کۆمه‌ڵایه‌تی بۆته‌وه و وتی: هه‌رێمی کوردستان له ئه‌گه‌ری به‌رده‌وام بوونی دۆخه‌که‌ی له مه‌ترسیی هه‌ڵوه‌شاندنه‌وه‌ی سیاسیدا ده‌بێت.
ڕابه‌ر به جه‌خت له سه‌ر ئه‌وه‌ی که دۆخی بژێوی ژیانی هاووڵاتییانی هه‌رێمی کوردستان زۆر خراپه و ڕێژه‌ی هه‌ژاری و بێکاری ڕۆژ له‌دوای ڕۆژ زیاد ده‌کات، وتی: ئه‌م دۆخه کاریگه‌ری داناوه‌ته سه‌ر یه‌کڕیزیی نێوان پارته سیاسییه کوردستانییه‌کان و بۆته هۆی که ئه‌وان نه‌توانن لیستی هه‌ڵبژاردنی هاوبه‌ش پێکبێنن.
ناوبراو وتیشی: خه‌ڵکی کوردستان له دۆخه‌که‌ی ئێستای هه‌رێمی کوردستان ناڕازین، بۆیه هه‌ڵبژاردنی په‌رله‌مانیی ئه‌م دواییه ده‌رفه‌تێکی گونجاو بۆ ئه‌نجامی گۆڕانکارییێک له نه‌خشه‌ی سیاسیی هه‌رێم دێته ئه‌ژمار.
کۆدی هه‌واڵنێر: 60104
Your Comment