به‌پێی هه‌واڵی کوردپرێس، خۆشه‌وی خه‌لیل، ئه‌ندامی لیژنه‌ی كشتوكاڵ و ئاودێری له ئه‌نجومه‌نی نوێنه‌رانی عێراق به SNNی ڕاگه‌یاند: به هۆی گرتنه‌وه‌ی ئاوی ڕووباری دیجله له لایه‌ن توركیاوه، مه‌ترسییێكی زۆر له‌سه‌ر ڕووبار و ده‌ریاچه‌كانی خوارووی عێراق دروست بوووه، جگه له هۆكاری كه‌می ڕێژه‌ی باران بارین، دروست كردنی ژماره‌یێک به‌نداویش له‌سه‌ر زێی دیجله له توركیا، هۆكاری سه‌ره‌كین.
وتیشی: " دروست كردنی ئه‌و به‌نداوانه كه له مانگی 6ی ئه‌مساڵ كۆتاییان دێت، مه‌ترسییێكی گه‌وره له‌سه‌ر سامانی ئاو له عێراق دروست ده‌كات و زیانیش به به‌رهه‌می كشتوكاڵی ده‌گه‌یێنێت".
به وته‌ی ئه‌و ئه‌ندامه‌ی لیژنه‌ی كشتوكاڵ و ئاودێری بۆ به‌رگرتن له‌و مه‌ترسییه، ئه‌نجومه‌نی نوێنه‌ران له دانیشتنێكدا، وه‌زیری سه‌رچاوه‌كانی ئاوی ڕاسپارد سه‌ردانی توركیا بكات بۆ گفتوگۆ كردن له‌گه‌ڵ به‌رپرسانی ئه‌و وڵاته و رێككه‌وتن له‌سه‌ر پێدانی به‌شی عێراق له ئاوی ڕووباری دیجله.
کۆدی هه‌واڵنێر: 60104
Your Comment