به‌پێی هه‌واڵی کوردپرێس، به‌هجه‌ت عه‌بوود وه‌زیری به‌رگریی کانتۆنی عه‌فرین ئه‌مرۆ چوارشه‌ممه به خه‌ندانی ڕاگه‌یاند: ئه‌و هێزه مه‌ده‌نییانه‌ی پشتیوانی ده‌وڵه‌تی سووریا که به مه‌به‌ستی هاوکاری له‌گه‌ڵ هێزه کوردییه‌کان له به‌رگری له عه‌فرین هاتوونه‌ته ئه‌م ناوچه‌یه وه‌کوو هێزی پشتیوان ڕۆڵ ده‌گیڕن و له سنووره‌کان ده‌مێننه‌وه و ناچنه ناوه‌ندی شاره‌که‌وه.
ناوبراو وتیشی: دوێنێ ئه‌و هێزه‌ی سووریا كه هاتوونه‌ته سنووری عه‌فرین، فرۆكه‌كانی توركیا بۆردومانی كردوون و دوو سه‌ربازیان كوژراون به‌ڵام ئه‌وان توانییان بێنه عه‌فرین.
وه‌زیری به‌رگریی كانتۆنی عه‌فرین وتی: هێزه‌كه زۆره و ئاماده نه‌بوو ژماره‌ی هێزه‌كه ئاشكرا بكات.
ناوبراو جه‌ختیشی کرده‌وه: ئێمه یه‌كه‌م جار پشت به خۆمان ده‌به‌ستین به‌ڵام تا ئێستا به‌شێكین له سووریا و هه‌رگیز نه‌مانوتوووه جیا بووینه‌ته‌وه".
شایانی باسه؛ له 20ی مانگی ڕابردوووه‌وه له‌شكركێشی توركیا بۆ سه‌ر عه‌فرین ده‌ستی پێكردوووه و به‌هۆی هێرشه‌كانه‌وه سه‌دان كه‌سی مه‌دەنی شه‌هید و بریندار بوون.
کۆدی هه‌واڵنێر: 60103
Your Comment