به‌پێی هه‌واڵی کوردپرێس، جاسم محه‌مه‌د جه‌عفه‌ر به هه‌واڵده‌ریی مه‌علوومه‌ی وتوووه: ئه‌مریکییه‌کان پلانیان هه‌یه بۆ دامه‌زراندنی دوو بنکه‌ی سه‌ربازیی گه‌وره له عێراق و به‌رز کردنه‌وه‌ی ژماره‌ی هێزه‌کانیان له بنکه سه‌ربازییه‌کانیان له‌و وڵاته.
ناوبراو وتیشی: پێوه‌ندیی کورده‌کان له‌گه‌ڵ ئه‌مریکا به‌هێزتره له پێوه‌ندیی واشنتۆن له‌گه‌ڵ به‌غدا و ئه‌و بابه‌ته ده‌بێته هۆی زیاد بوونی هێزه‌کانی ئه‌مریکا له‌و دوو بنکه‌یه.
ناوبراو ئاماژه به‌وه ده‌کات که ئامانجی ئه‌مریکا له دامه‌زراندنی بنکه سه‌ربازییه‌کان له عێراق و هه‌رێمی کوردستان کۆنتڕۆڵ کردنی داپه‌ڕی وڵاتانی هاوکه‌وشه‌نی عێراقه.
جه‌عفه‌ر گوتیشی: ده‌وڵه‌تی ناوه‌ندی ناتوانێت سه‌باره‌ت به هه‌بوونی هێزی ئه‌مریکی، ژماره و ڕاسپێردراوی ئه‌وان له هه‌رێمی کوردستان ئیراده‌ی خۆی بسه‌پێنێت.
کۆدی هه‌واڵنێر: 60103
Your Comment