به‌پێی هه‌واڵی کوردپرێس، ڕووداوه‌که‌ کاتژمێر 2 و 50 خوله‌کی نیوه‌شه‌وی ڕابردوو له‌ مه‌ودای 40 کیلۆمه‌تریی بۆستان ئاباد به‌ره‌و هه‌شتروود ڕووی دا و وه‌رگه‌ڕانی پاسێکی ئه‌و میحوه‌ره‌وه‌ 28 کوژراو و برینداری لێکه‌وته‌وه‌.

فه‌رزاد ڕه‌حمانی بڕیارده‌ری سه‌نته‌ری فریاکه‌وتنی پزیشکیی ئازه‌ربایجانی ڕۆژهه‌ڵات له‌وباره‌یه‌وه‌ به‌ هه‌واڵده‌ریی ئیرنای وتوووه‌: 4 که‌س ده‌ستبه‌جێ گیانی خۆیان له‌ده‌ست دا و 24 برینداریش هه‌ن. پاسێکی ئامبۆلانسی فریاکه‌وتن له‌ ته‌ورێزه‌وه‌ بۆ گواستنه‌وه‌ی برینداره‌کان نێردرایه‌ شوێنی ڕووداوه‌که‌.

عه‌مید جه‌واد ناموه‌ران سه‌رۆکی پۆلیسی ڕێگاوبانی ئازه‌ربایجانی ڕۆژهه‌ڵاتیش ئاماژه‌ی به‌ هۆکاری ڕووداوه‌که‌ کرد و گوتی: خێراییی زۆر و خزۆک بوونی جاده‌کان هۆی ئه‌و ڕووداوه‌ بوووه‌.

کۆدی هه‌واڵنێر: 60103