به‌پێی هه‌واڵی کوردپرێس، ڕێبوار ته‌ها ئه‌ندامی په‌رله‌مانی عێراق له‌وباره‌یه‌وه‌ وتی: لیژنه‌که‌ پێنج ڕۆژه‌ وردبینییان بۆ جاری دووهه‌م ده‌ست پێکردوووه‌ و پێشبینی ده‌کات هه‌فته‌یێک بۆ ١٠یتر بخایێنێت.

ناوبراو له‌باره‌ی هۆکاری دووباره‌ کردنه‌وه‌ی پڕۆسه‌که‌ش جه‌ختی کرده‌وه‌: یه‌کێک له‌ هۆکاره‌کان ئه‌وه‌یه‌ حه‌یده‌ر عه‌بادی ده‌یه‌وێت زیاتر ته‌ئکید له‌وه‌ بکاته‌وه‌ لیسته‌که‌ پاک بکرێته‌وه‌ و هۆکارێکی‌تریش بۆ دروست کردنی کارتی فشار له‌سه‌ر حکوومه‌تی هه‌رێم و یاری کردن به ‌کات ده‌گه‌رێته‌وه‌.

له‌ ماوه‌ی ڕابردوودا حکوومه‌تی عێراق لیژنه‌یێکی بۆ وردبینی و پێداچوونه‌وه‌ به‌ لیستی مووچه‌خۆرانی هه‌رێم ڕه‌وانه‌ی هه‌رێمی کوردستان کرد و لیژنه‌که‌ کاره‌کانی له ‌هه‌ر دوو وه‌زاره‌تی په‌روه‌رده‌ و ته‌ندروستی ده‌ست پێکرد به ‌مه‌به‌ستی پاک‌کردنه‌وه‌ی لیسته‌ له‌ مووچه‌خۆری بندیوار و ژماره‌ی ناڕاست و حه‌یده‌ر عه‌بادی سه‌رۆک وه‌زیرانی عێراقیش له‌ چه‌ندین وته‌یدا ته‌ئکیدی له‌ خه‌رج کردنی مووچه‌ی فه‌رمانبه‌رانی هه‌رێمی کوردستان کردوووه‌ته‌وه‌.

سه‌رچاوه‌: ئێن ئاڕتی

کۆدی هه‌واڵنێر: 60103