بەپێی هەواڵی کوردپرێس، به‌یانیی ئه‌مرۆ پێنج شه‌مه ۱۹ی ڕێبه‌ندان، له ساڵڕۆژی به‌ڵێنی مێژوویی فه‌رمانبه‌رانی هێزی ئاسمانیی ئه‌رته‌شی ئێران له‌گه‌ڵ ئیمام خومه‌ینی، ژماره‌یێک له فه‌رمانده‌کان و فه‌رمانبه‌رانی ئه‌و هێزه له‌گه‌ڵ ڕێبه‌ر دیداریان کرد.
ڕێبەری لەو دیدارەدا ئاماژەی دا بەوەی کە بۆنە گرینگەکانی شۆڕشی ئیسلامی مایەی پتەوبوون و بەهێزیی نیزامە، جەختیان کرد: ئیمساڵ پشتیوان بە خودا، ۲۲ی ڕێبەندان لەو ۲۲ی ڕێبەندانە سەرەنجڕاکێشانە دەبێت.
وتیشیان: شۆڕشییەکانی ئێستا، خۆڕاگرتر، هۆشیارتر و ئاگادارتر لە شۆڕشییەکانی ڕۆژانی سەرەتایی شۆڕشی ئیسلامی ئێرانن و هەر بۆیە شۆڕش بەرەوپێشەوە چووە.
ڕێبەری وتیان: ناوەندی سەرەکیی بەرەنگاریی دوژمنان لەگەڵ شۆڕشی ئیسلامی ڕێگرییە لە سەرهەڵدانی بەرهەمی نوێ و بەردەوامیی و خۆڕاگریی شۆڕش و ڕایانگەیاند: مەبەست لە دوژمنان هەر ئەو کەسانەن کە بە سەرکەوتنی شۆڕشی ئیسلامی، حکوومەتی دەستوپەیوەند و سەر بە ئەوان لە ناوچەکە هەستی بە ڕووخان کرد کە لە سەرووشیانەوە ئەمریکایە.
ئایەتوڵڵا خامنەیی بە ئاماژە بە شێوازی جۆراوجۆر و بەرفراوانی دوژمنان بۆ بەرەنگاریی لەگەڵ شۆڕش وتیان: ئەوان بە کەڵک وەرگرتن لە بلیمەتە ساختەییەکان، ڕۆژنامەوانانی پێنووس فرۆش، و تیئۆریسەنە ساختەکارەکان و هەموو تۆڕە کۆمەڵایەتییەکان دەیانەوێت کاریگەریی بخەنە سەر خەڵک بەڵام لە ناکاودا لە هەندێ بۆنەی وەک ۲۲ی ڕێبەندان، ۹ی بەفرانبار خەڵک دەڕژێنە سەر شەقامەکان و بە دروشم دانەکانیان هەموو پیلانی دوژمن پووچەڵ دەکەنەوە.
زیادیشیان کرد: ئەمساڵ بە هۆی قسەی پڕوپووچی هەندێ لە بەرپرسانی دەوڵەتی ئەمریکا و کەسانی تریش، خەڵک هەست دەکەن دوژمن بۆسەی داخستووە و دەیەوێت دوژمنی بکات و هەر بۆیە، پشتیوان بە خوا، بەشداریی بەشکۆی خەڵک لە ڕێپێوانی ۲۲ی ڕێبەندانی ئەمساڵ زیاتر لە ساڵانی ڕابردوو بەشکۆ دەبێت و هەموان دێن.
لە بەشێکی دیکەی قسەکانیاندا جەختیان کرد کە دەبێ بەرپرسانی باڵای وڵات هەموو هەوڵەکانیان بۆ بەرەنگاریی گەندەڵی لە وڵات چر بکەنەوە و ڕایانگەیاند کە قسەی خەڵک ناڕەزایەتی لە گەندەڵی و هەڵاواردەییە. خەڵک لە بەرانبەر زۆربەی کێشەکاندا خۆڕاگرن بەڵام سکاڵایان لە گەندەڵی هەیە.
ڕێبەری بە ئاماژە بەهەندێ پرسی ڕۆژەڤی ئێستای ناوچەکە وتیان: ستەمی 70 ساڵە لە گەلی فەلەستین و هەروەها پشتیوانی لە کوشت و بڕی خەڵکی یەمەن و ستەم کردن لەوان نمانەی ئاشکرای ستەمی ئەمریکاییەکانە.
وتیشیان:ئەمریکا بەو پەڕی بێ شەرمیەوە بە نیشاندانی چەند پارچە ئاسن پاگەندەی بێ بەڵگە دەکات کە گوایە ئێمە مووشکمان بۆ یەمەن ناردووە. لە حاڵێکدا کە خەڵکی یەمەن گەمارۆ دراون و چون دەکرێت بە گەمارۆدراوی مووشەکیان بۆ بنێرین.
کۆدی هه‌واڵنێر: 60113
Your Comment