بەپێی هەواڵی کوردپرێس، له کۆنگره‌یێکى ڕۆژنامه‌وانیدا له فڕۆکه‌خانه‌ى نێوده‌وڵه‌تیى سلێمانى؛ ڕێبوار که‌ریم ئه‌ندامى هاوپه‌یمانیى هیوا له ئه‌نجومه‌نى نوێنه‌رانی عێراق وتی: "هه‌م به‌غدا و هه‌میش هه‌رێم که‌مته‌رخه‌من له ئاست فڕۆکه‌خانه‌ى نێوده‌وڵه‌تى سلێمانى، ئه‌وه‌ى په‌یوه‌ندى به به‌غداوه هه‌یه ئێمه هه‌وڵى چاره‌سه‌رکردنى ده‌ده‌ین بۆ ئه‌وه‌ى هه‌رچى ده‌که‌وێته سه‌رى بیدات".
ڕێبوار کەریم ڕاشیگەیاند: "ماوه‌یێکى زۆره ئێمه خه‌ریکى ئه‌وه‌ین سه‌رجه‌م مووچه‌ى فه‌رمانبه‌رانى هه‌رێم بکرێته فیدراڵى و به‌غدا مووچه‌یان پێبدات، چوونکه ناکرێت به‌ناوى به‌رزى و نزمى نرخى نه‌وته‌وه یارى به‌گیرفانى فه‌رمانبه‌ران بکرێت".
ناوبراو ئاشکراشی کرد: "هاوپه‌یمانى هیوا و یه‌کێتى کارمان کردووه بۆ ئه‌وه‌ى مووچه‌ى فه‌رمانگه فیدراڵیه‌کان ڕاسته‌وخۆ له‌لایه‌ن به‌غداوه بدرێت، ئه‌گه‌رچى سه‌ره‌تا ژماره‌ى ئه‌و فه‌رمانبه‌رانه هه‌زار و 600 فه‌رمانبه‌ر بووه و ئێستا زیادی کردووه بۆ چوار هه‌زار و 700 فه‌رمانبه‌ر، به‌ڵام ئه‌وه‌ش چاره‌سه‌رده‌که‌ین و واده‌که‌ین هه‌موو ئه‌و ژماره‌یه له‌لایه‌ن به‌غداوه مووچه‌یان پێبدرێت و ئه‌وه‌شمان به‌بڕگه‌یێک له پڕۆژه‌یاساى بوودجه‌ى ئه‌مساڵى عێراق جێگیر کردووه".
کۆدی هەواڵنێر: 60113
Your Comment