به‌پێی هه‌واڵی کوردپرێس، هێمن هه‌ورامی ئه‌ندامی سه‌ركردایه‌تیی پارتی له‌ سیمینارێكدا له ‌هه‌ولێر كه‌ ڕۆژی 5ی جانیڤێری له‌ژێر ناونیشانی "خوێندنه‌وه‌یێک بۆ قۆناغه‌كانی دوای ڕیفراندۆم" به‌ڕێوه ‌چوو ڕای‌گه‌یاند: پارتی له ‌نێوان هه‌ڵبژاردنی عه‌بادی و مالیكی تا ئێستا ئه‌و بابه‌ته‌ی یه‌كلایی نه‌كردۆته‌وه‌ به‌ڵام هه‌ر هێزێک بڕیار بدات به‌رامبه‌ر به‌ كشانه‌وه‌ی هێزه‌كانی عیراق له ‌كه‌ركووک و دابین كردنی مافه‌كانی گه‌لی كورد له‌ ڕووی ده‌ستووری و دارایییه‌وه ئه‌وا پارتی له‌گه‌ڵ ئه‌و هێزه‌ ده‌چێته‌ پێشه‌وه‌.

ناوبراو ئه‌وه‌شی خسته‌ ڕوو: پێیان وایه‌ به‌ر له‌ هه‌ڵبژاردنی په‌رله‌مانی عێراق هه‌ندێک مافی داراییی هه‌رێم وه‌ک دابین كردنی مووچه ‌و كردنه‌وه‌ی فڕۆكه‌خانه‌كان له‌لایه‌ن عێراقه‌وه‌ ئه‌نجام بدرێت به‌ڵام سه‌رجه‌م كێشه‌كان چاره‌سه‌ر نابن.

سه‌رچاوه‌: تۆڕی هه‌واڵی سلێمانی (SNN)

کۆدی هه‌واڵنێر: 60103