به‌پێی هه‌واڵی کوردپرێس، بەکر بۆزداغ گوتەبێژی حکوومەت و جێگری سەرۆک‌وەزیرانی تورکیا گوتی: "ھێزە چەکدارییەکانی سوپای تورکیا بە شێوەیێکی کاریگەر ئاسمانی عەفرین بەکار دەھێنێت و بەردوامیشە لە بەکارھینانی. لە ئێستادا بابەتی بەکارھێنانی ئاسمانی عەفرین جێگای باس نییە ".
لە کاتی بەردەوام بوونی کۆبوونەوەی ئەنجومەنی وەزیرانی تورکیا، بەکر بۆزداغ جێگری سەرۆک‌وەزیران و گوتەبێژی حکوومەتی تورکیا، لێدوانی پێشکەش بە رۆژنامەنووسان کرد و گوتی: "لە ھەر شوێنێکی سووریا ببینین کە چەک و تەقەمەنی ڕەوانەی عەفرین دەکرێت تورکیا بە ئامانجی دەگرێت. کاتێک ئەمانە دەبینین دەیپێکین و لەناوی دەبەین. سێیەم گرێمانمان نییە .
بۆزداغ لە بارەی کشاندنەوەی باڵیۆزی ھۆڵەندا لە ئەنقەرە گوتی:" ھەر خۆی ماوەی ساڵێکە ھۆڵەندا باڵیۆزی نەبوو لە ئەنقەرە، ئەوان بە فەرمی گوتیان کەوا باڵیۆزمان دەکشێنینەوە کە نەیانبوو. ئەوە شتێکی نوێ نییە. لەگەڵ ئەمەش پەیوەندییە دیپلۆماسییەکانی تورکیا و ھۆڵەندا بەکۆتا نەھاتوووە".
بەکر بۆزداغ گوتیشی: "لە سەرتاسەری شاری کلیس، قەرزی باجەکانی پێش ٣١ی جانیڤێریی ٢٠١٧ تا ٣١ی جانیڤێریی ٢٠١٨ دواخراوە".
بەکر بۆزداغ جێگری سەرۆک‌وەزیران و گوتەبێژی حکوومەتی تورکیا، لە بارەی پاکێجی چاکسازی لە بواری دارایی گوتی: "وەزیری دارایی پاکێجێکی چاکسازی لە بارەی گۆڕانکارییەکانی وەرگرتنی باج پێشکەش بە ئەنجومەنی وەزیران کردوووە. ئەم پاکێجە رێکاری زۆر گرنگی تێدایە لە سەر جوڵاندنەوەی بازاڕ".
سه‌رچاوه: ئانادۆڵۆ
کۆدی هه‌واڵنێر: 60104
Your Comment