بەپێی هەواڵی کوردپرێس، حەمید فەیزی سەرۆکی دامپزیشکیی شاری پیرانشار لە کۆبوونەوەی بەرەنگار بوونەوە هەمبەر نەخۆشییەکانی باڵندە سەرلە بەیانیی ئەمڕۆ 4ی ڕێبەندان بە ئامادە بوونی فەرماندار و ژمارەیێک لە بەرپرسان لە هۆڵی کۆبوونەوەکانی فەرمانداریدا وتی: بەختەوەرانە بە بۆنەی پێشگیری و بەرەنگاری کردن لەگەڵ ئانلۆانزای باڵندە و لە بەرچاو گرتنی خالە تەندروستییەکانەوە تا ئێستا هیچ کەیسێکی تووشبووی ئانفلۆانزای باڵندە لە پیرانشار نەبینراوە.

ناوبراو درێژەی دا: لە ساڵی ڕابردوودا ئێمە لە 11 گوندی بەشی ناوەندی و لاجان 11 سەنتەری ئانفلۆانزامان دیتبوو، کە دەستبەجێ ڕاسپێردراوانی دامپزیشکی 1100 مریشکی خۆجێیان لە ناو برد و تێچووی لە ناوبردنیان کە 500 ملیۆن ڕیاڵ بوو درایە خاوەنەکانیان.

کۆدی هه‌واڵنێر: 60113