بەپێی هەواڵی کوردپرێس، وەزارەتی بەرگریی ڕووسیا هەندێک وێنەی لە گواستنەوەی چەند یەکەی نوێ لە سیستەمی بەرگریی S400 بۆ بنکە سەربازییەکانی خۆی لە سووریا بڵاو کردەوە و ڕایگەیاند: بە دامەزرانی ئەو سیتەمە نوێیەوە دەیهەوێت بنەمای بەرگریی وڵاتەکەی پتەو بکاتەوە.

ڕووسیا دوو بنکەی سەربازیی هەمیشەییی لە سووریا هەیە، یەک لەوانە بنکەی ئاسمانیی «حمیمیم» و ئەوەی دیکەش بنکەی دەریایی «طرطوس»ە. ئەو دوو بنکەیە بە چوار یەکە لە سیستەمی بەرگریی S400وە تەیار کراون.

هەریەک لە یەکە بەرگرییانە دەتوانن 80 باڵافڕ یا مووشەک لە مەودای 400 کیلۆمەترییەوە بکەنە ئامانج.

کۆدی هه‌واڵنێر: 60113