به‌پێی هه‌واڵی کوردپرێس، عه‌باس جه‌عفه‌ری ده‌وڵه‌ت‌ئابادی له‌ حه‌وته‌مین کۆڕبه‌ندی دادگه‌کانی تاراندا زۆرترین تاوانه‌کانی ساڵی 95 و 96ی خسته‌ ڕوو و له‌گه‌ڵ ئه‌وه‌ش دۆسیه‌ی خۆپیشاندانه‌کانی ئه‌م دواییه‌شی باس کرد و گوتی: تا ئێستا 54 داوای سزا ده‌رکراوه‌ و ژماره‌ی ده‌ستبه‌سه‌رکراوان ئێستا گه‌یشتۆته‌ که‌متر له‌ 20 که‌س که‌ له‌ ماوه‌ی ئه‌م حه‌فته‌یه‌دا دۆسیه‌ی ئه‌وانیش حوکمی له‌سه‌ر ده‌درێت.

ناوبراو گوتیشی: پارێزگای تاران شار و ناحیه‌ی جۆربه‌جۆری تێدایه‌ و هه‌ر ئه‌وه‌ش کێشه‌ی زۆری لێده‌که‌وێته‌وه‌ و تایبه‌تمه‌ندی و پێوه‌ری تایبه‌ت به‌ خۆی هه‌یه‌ بۆ نموونه‌ له‌ شاری ڕه‌ی سه‌ره‌ڕای ئه‌وه‌ی مه‌زارگه‌ و مه‌رقه‌دی حه‌زره‌تی عه‌بدولکه‌ریم حه‌سه‌نی تێیدایه‌ و زیاره‌تکاری زۆر سه‌ردانی ده‌که‌ن ده‌بینرێت دزی و سه‌رپێچیی زۆریشی تێدایه‌.

کۆدی هه‌واڵنێر: 60103