به‌پێی هه‌واڵی کوردپرێس، لە دیدارەكەدا سەرۆک‌كۆماری عێراق خۆشحاڵی خۆی بە گەڕانەوە و جێگیربوونی تەندروستیی كۆسرەت ڕەسوول دەربڕی و هیوای خواست هەوڵەكانی بخاتە گەڕ بۆ چارەسەر كردنی كێشە و قەیرانەكان.
لای خۆیەوە جێگری یەكەمی سكرتێری گشتی سوپاسی سەردانەكەی سەرۆک‌كۆماری عێراقی كرد و جەختی لەوە كردەوە كە پێویستە سەرجەم لایەنەكان ڕۆڵ ببینین لە چارەسەر كردنی كێشەكان.
هەر لە دیدارەكەدا جێگری سكرتێری گشتی و سەرۆک‌كۆماری عێراق باسیان لە دوایین پێشهات و گۆڕانكارییەكانی عێراق و ناوچەكە و چۆنیەتیی چارەسەر كردنی كێشەكانی نێوان هەولێر و بەغدا و ئایندەی یەكێتیی نیشتمانیی كوردستان كرد و ڕێگاچارەكان تاوتوێ كران.
سه‌رچاوه: PUKmedia
کۆدی هه‌واڵنێر: 60104
Your Comment