بەپێی هەواڵی کوردپرێس، بینالی یڵدرم سەرۆک وەزیرانی تورکیا لە وتەکانیدا ئاماژەی بە ئاڵوگۆڕەکانی ئەم دواییە لە سنوورەکانی باشووری تورکیا دا وتی: تورکیا لە واقیعدا ئامنیەت و ئاسایشی یەکێتیی ئەورووپا دابین دەکات، ئەمریکا دەبێت لە ڕەفتارەکانی سەبارەت بە داهاتووی ناوچەکە دەست هەڵبگرێت.
سەرۆک وەزیرانی تورکیا گوتیشی: بە ئاشکرا بانگھێشتی ھاوپەیمانەکانمان دەکەین. نیازتان بە ئاشکرا بخەنە ڕوو. ئایا ئێوە لە چوارچێوەیێکی گونجاو و لە سەر بنەمای ئەرکەکانی بە ئەندام بوون لە ناتۆ جووڵە دەکەن؟ یان بەردەوام دەبن لە کارکردن لەگەڵ ئەو تاقمانەی کە لە ناوە و دەرەوە، بوونەتە سەر ئێشە بۆ تورکیا؟ بڕیاردان لەسەر ئەمە بۆ ئێمە زۆر گرنگە، ئێمە مۆڵەت نادەین ئەرتەشی تیرۆر لە سنوورەکانمان پێکبێت.
سەرچاوە: هابر 7
کۆدی هه‌واڵنێر: 60113
Your Comment