ئیلهام ئه‌حمه‌د هاوسه‌رۆکی په‌رله‌مانی سووریای دیموکراتیک له گفتوگۆیێکی ته‌له‌فۆنی له‌گه‌ڵ هه‌واڵنێری کوردپرێس بۆ به‌شی سووریا ئاماژه‌ی کرده جموجووڵی ئه‌م دواییه‌ی سوپای تورکیا له سنووره‌کانی باکووری سووریا و ناوچه‌ی عه‌فرین و ڕای‌گه‌یاند: سوپای تورکیا جووڵه‌یێکی به‌ربڵاوی له ده‌وروبه‌ری عه‌فرین ده‌ست پێکردوووه و ئاماده‌ی هێرشه.
پاشان گوتیشی: سوپای تورکیا به چه‌ک و جیهازاتی قورس گونده‌کانمان تۆپباران ده‌کات و هێزه‌کانی ئێمه‌ش وه‌ڵامیان ده‌ده‌نه‌وه و له ئێستادا له ئاماده‌باشییێکی ته‌واوداین.
ئیلهام ئه‌حمه‌د ئاماژه‌ی به‌وه‌ش کرد تاوه‌کوو ئێستا هیچ وڵاتێک کاردانه‌وه‌ی هه‌مبه‌ر هێرشه‌کانی تورکیا نه‌بوووه و وتیشی: ڕووسیا و هاوپه‌یمانیی دژه‌داعش به سه‌رکردایه‌تیی ئه‌مریکا بێده‌نگن و هیچ کاردانه‌وه‌یێکیان له‌م باره‌وه نه‌بوووه.
ناوبراو ڕوونیشی کرده‌وه: سوپای تورکیا هێشتاکه ده‌ستی به هێرشی وشکایی نه‌کردوووه به‌ڵام ئه‌گه‌ر بێتو سنووره‌کانی ئێمه ببه‌زێنێت به توندی وه‌ڵامیان ده‌ده‌ینه‌وه و ئاماده‌ین بۆ هه‌موو ڕووداوێک.
کۆدی هه‌واڵنێر: 60103
Your Comment