به‌پێی هه‌واڵی کوردپرێس، مورته‌زا زه‌ڕابی ڕای‌گه‌یاند: پاڵه‌پستۆیێکی بارین له ڕۆژی هه‌ینی له باکووری ڕۆژئاوا دێته ئێران و چاوه‌ڕوان ده‌کرێت له زۆربه‌ی پارێزگاکانی وڵاتدا بارینمان ببێت.
ناوبراو درێژه‌ی دا: ئه‌مڕۆ له داوێن و به‌رزاییه‌کانی ئه‌لبورز له پارێزگاکانی قه‌زوین، تاران، سمنان و هه‌روه‌ها ناوچه‌گه‌لێکی باکووری ڕۆژهه‌ڵاتی وڵات له‌وان پارێزگای خوراسانی باکووری و باکووری پارێزگای خوراسانی ڕه‌زه‌وی شاهیدی بارینی به‌فر ده‌بین.
کارناسی که‌شناسی ئاماژه‌ی دایه دۆخی که‌شوهه‌وای هه‌ندێ له ناوچه‌کانی وڵات له ڕۆژی هه‌ینی و ڕوونی کرده‌وه: له ڕۆژی هه‌ینی/ 29ی به‌فرانبار بۆ چه‌ندین ناوچه‌ی خووزستان و ئیلام هه‌ڵکردنی با پێشبینی ده‌کرێت که ده‌بێته هۆی هاتنی تۆز و خۆڵ بۆ ناوچه‌که.
کۆدی هه‌واڵنێر: 60104
Your Comment