به‌پێی هه‌واڵی کوردپرێس، له دیدارێکدا باس له کێشه‌کانی نێوان ھه‌رێمی کوردستان و عێراق کرا بۆ ئه‌و مه‌به‌سته‌ش ھه‌ر دوو لا ته‌ئکیدیان کرده‌وه له پێویستی چاره‌سه‌رکردنی کێشه‌کان به رێگای دیالۆگ و له یه‌کگه‌یه‌شتن، ھه‌روه‌ھا به پێویست زانرا که ھه‌موو لایه‌نه په‌یوه‌ندیداره‌کان به یه‌که‌وه ڕووبه‌ڕووی ئه‌و مه‌ترسییانه ببنه‌وه که ڕووی له ناوچه‌که کردوووه و چاره‌سه‌رێکی ڕیشه‌ییی قه‌یرانه‌کان بکرێت بۆ کۆتاییی ھاتن به‌و گیژاوه‌ی ناوچه‌که‌ی گرتۆ‌ته‌وه.
سه‌باره‌ت به کێشه و قه‌یرانه‌کانی ئێستا به‌رھه‌م ته‌ئکیدی کرده‌وه پێویسته چاره‌سه‌ری ڕیشه‌ییی قه‌یرانی حوکمڕانی و کێشه‌ی مووچه‌ی و باری بژێوی خه‌ڵک بکرێت بۆ ئه‌و مه‌به‌سته‌ش ھه‌ڵبژاردنی پاک و بێگه‌رد و ده‌ستاوده‌ست کردنی دیموکراسییانه‌ی ده‌سه‌ڵات چاره‌سه‌ره.
له به‌شێکی تری قسه‌کانی به‌رھه‌م ئاماژه‌ی به پێویستی ئاسایی کردنه‌وه‌ی دۆخی که‌رکووک و دوزخورماتوو کرد، به جۆرێک ڕ‌چاوه‌ی پێگه‌ی پێکھاته‌کان و به‌رژه‌وه‌ندی خه‌ڵکه‌که‌ی بکرێت.
سه‌رچاوه: خه‌ندان
کۆدی هه‌واڵنێر: 60104
Your Comment